«4 адам қаза тапты»: Түркістан облысында жантүршігерлік жол апаты болды

Түркістан облысы Келес ауданында жантүршігерлік жол апаты болып, 4 адам қаза тапты, деп хабарлайды облыстық Полиция департаменті баспасөз қызметі.

Қайғылы оқиға «Жетісай-Жібек жолы» бойында орын алған. Полицейлердің анықтауынша, Шымкентке бет алған «Ауди-100» маркалы көлігі қарама-қарсы бағытқа шығып кетіп, «Киа» автокөлігіне соқтығысқан. Жол апатының салдарынан 3 жолаушы оқиға орнында қаза тауып, бір адам ауруханада көз жұмды. «Киа» маркалы автокөліктегі тағы 3 жолаушы түрлі дене жарақатымен ауруханаға жеткізілген.

«Қазіргі таңда аталмыш жайт Келес АПБ-не  ҚР Қылмыстық кодексінің 345-бабымен тіркеуге алынды. Тергеу амалдары жүргізіліп, сараптамалар тағайындалды. Күдікті азамат қамауға алынды», - делінген хабарламада.