Өскеменде тыр жалаңаш жолда жатқан ер адам табылды

Полиция қызметкерлері Шығыс Қазақстан облысында жол бойында қан-қан болып жатқан жалаңаш адамды тауып алды, деп хабарлайды Zakon.kz Өскемен қалалық ПД баспасөз қызметіне сілтеме жасап.

«Оқиға 21 қарашада болды, сынап бағаны минус 35-ке дейін төмен еді. Сағат 05.30 шамасында «Қыран-74» патрульдік бригадасы кезекшілік кезінде жол ортасында жатқан жалаңаш адамға тап болған. Ер адам қар үстінде қимылсыз жатқан, бетін қан жуған», - делінген хабарламада.

Полиция аға лейтенанты Қанат Асылғазин мен Дамир Ауғанбаев ер адамның тірі екенін байқап, 102 шұғыл байланыс желісіне және жедел жәрдем қызметіне дереу хабарласқан. Олар жедел жәрдемді күтпестен, жалаңаш адамды патруль көлігінің салонына кіргізген, бірақ ер адам қарсылық білдіріп, өзін түсініксіз ұстаған.

Қазіргі уақытта бұл жағдайдың мән-жайы анықталуда.