Петропавлда екі көлік соқтығысып, 3 адам зардап шекті

Петропавлда екі көлік соқтығысып, түрлі жарақат алған жүргізушілер және бір жолаушы емдеу мекемелеріне жеткізілді, деп хабарлайды Almaty.tv тілшісі ҚазАқпаратқа сілтеме жасап.

Оқиға орнынан видео әлеуметтік желіде, жергілікті пабликтерде тарады. Қатты соққыдан көліктердің айтарлықтай зақымданғанын көруге болады. 

«10 желтоқсан сағат 8.34-те «102» жедел арнасына Петропавлдағы Жамбыл-Интернационал көшелерінің қиылысында Subaru Forester және «ВАЗ 21140» көліктерінің соқтығысқаны туралы хабарлама түсті. Оқиға орнына жедел жәрдем қызметі шақырылды. Екі көліктің жүргізушісі және «ВАЗ 21140» көлігінде болған жолаушы түрлі жарақат алып, емдеу мекемелеріне жеткізілді. Осы факті бойынша жиналған материал Петропавл қалалық полиция басқармасының әкімшілік полиция бөліміне жіберілді», – делінген Солтүстік Қазақстан облыстық Полиция департаменті баспасөз қызметінің мәліметінде.