Меншікті өндіріс
Біз әлеуметтік желілердеміз
Ақмоладағы ұшақ апаты: зардап шеккендердің бірі қайтыс болды
21.06.2019 22:11
Апат салдарынан зардап шеккен ер адам қаладағы Темір жол ауруханасында жатқан
Елорда маңындағы Ан-2 ұшағы апатының салдарынан зардап шеккен екі адамның бірі көз жұмды, деп хабарлайды қалалық Денсаулық сақтау басқармасының баспасөз хатшысы Әйгерім Ардақ.
Апат салдарынан зардап шеккен ер адам қаладағы Темір жол ауруханасында жатқан. Ол ауруханада көз жұмды. Осылайша, ұшақ апатынан құрбан болғандардың саны екі адамға жетті.
Еске сала кетсек, 20 маусымда, сағат 10:00 шамасында Ақмола облысының Целиноград ауданында әуе апаты болды. Ан-2 ұшағы құлап, салдарынан ұшқыш көз жұмды. Сонымен қатар экипаждың екі мүшесі зардап шеккен еді.
Оқиғаға қатысты қылмыстық іс қозғалып, сотқа дейінгі тергеу жүргізілуде.
Дереккөзі: stan.kz