Наурыз-2022: Almaty.tv сайтында мерекелік телемарафон (фоторепортаж)

22.03.2022 00:00

Бұл мерекенің сан ғасырлық тарихы бар

Almaty.tv.

«Алматы» телеарнасынның тікелей эфирінде мерекелік телемарафон өтті, деп хабарлайды Almaty.tv тілшісі.

Қазақстанда Ұлыстың ұлы күні – Наурыз мейрамы басталды. Соңғы екі жыл бойы «көктемгі жаңару» мерекесі пандемия жағдайында аталып өткен еді. Ал биыл әр өңір өз жоспарын әзірледі – халықты Наурыз мейрамына орай концерттер, спектакльдер мен мерекелік шаралар күтіп тұр.

Наурыз мейрамы – Орталық Азия халықтарының Жаңа жылы. Бұл мерекенің сан ғасырлық тарихы бар.

Мегаполисте негізгі мерекелік шаралар 21-23 наурыз аралығында өтеді.

Қаланың барлық ауданында 80-нен астам түрлі іс-шара жоспарланған.

Телемарафон барысында көрермендер Наурыз мейрамын тойлаудың тарихы мен салт-дәстүрімен танысты.

Бағдарламада әл-Фараби атындағы ҚазҰУ профессоры Ләйлә Ахметова, танымал дизайнер Аида Кауменова, Қазақстанның еңбек сіңірген әртісі, күйші-домбырашы Айгүл Үлкенбаева қонақта болды.


Мерекелік телемарафон тікелей эфирде «Тұсаукесер» рәсімімен аяқталды.

«Алматы» телеарнасының ұжымы Қазақстан халқын Наурыз мерекесімен құттықтайды! Көктем мерекесі үйіңізге жылулық пен береке әкелсін!


Теги: Наурыз телемарафон Алматы қаласы
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Наурызбай ауданында 18 киіз үй тігіліп, өзара байқау ұйымдастырылды