Елдос Сметов: Мақсатым – дүние мен атақ жинау емес, адам болып қалу

Париж Олимпиадасының чемпионы Елдос Сметов 2028 жылы АҚШ-та өтетін Олимпиада ойындарына қатысуға ниетті. Бұл туралы спортшы Астанада «Үздік-2024» премиясының марапат кешінде айтты, деп хабарлайды Almaty.tv.

"Әр адамның өзінің сүйікті ісі болады. Мысалы мен 5 жасымнан бері осы спортпен айналысып келемін, одан бір нәтиже шығарғым келеді, ең биік шыңына шыққым келеді" деген ол мақсатқа жету үшін көп зерттеу жасағанын айтты. Сондай-ақ спортшы шыңға шыққанда адами қасиетті жоғалтып алмау керек екенін атап өтті.

"Баяғы Елдос – сол Елдос, тек Олимпиада чемпионы деген атты иелендік. Өмірдегі басты мақсат – дүние мен атақ жинау емес, адам болып қалу", - деді спортшы ҚазАқпарат тілшілерге берген сұхбатында.

Оқи отырыңыз: Жайна Шекербекова Қазақстан чемпионы атанды