Меншікті өндіріс
Біз әлеуметтік желілердеміз
Қазақстанда утиль алым бағасы төмендей ме
2022 жылы утиль алымының мөлшерлемесі екі мәрте төмендеген
Мәжіліс депутаттарының утиль алымы және шетелден әкелінген көлікті алғашқы тіркеу бағасын төмендету жөніндегі сауалына Үкімет басшысы Әлихан Смайыловтың жауабы Мәжіліс сайтында жарияланды, деп хабарлайды Almaty.tv тілшісі informburo.kz-ке сілтеме жасап.
Премьер-министрдің жауабынан Үкіметтің утиль алымының бағасын төмендету жоспары жоқ екені белгілі болды.
"Утиль алымы қаражаты есебінен жеңілдетілген автонесиелендіру және автобус парктері мен ауыл шаруашылығы техникаларын жаңарту бағдарламалары іске қосылғанын ескере отырып, утиль алымының мөлшерін бұдан әрі төмендетуді дұрыс емес деп санаймыз", – делінген Әлихан Смайыловтың жауабында.
Еске салайық, утиль алымының мөлшері 2022 жылы екі мәрте төмендетілген болатын.