Қыз жолдастың «біртүрлі» киімі жұртты күлкіге қарқ қылды (ВИДЕО)

Кейінірек белгілі болғандай, қыз үйлену тойының алдында қатты жүдеп, алдын ала әзірлеп қойған көйлегі қолпылдап қалған екен.

АҚШ тұрғыны құрбысының үйлену тойына динозаврдың костюмін киіп келіп, қонақтардың жағасын ұстатты, деп жазады Sputniknews.kz.

Осы сәттің видеосы әлеуметтік желілерде жарияланған. Кадрларда некелесу салтанаты кезінде үйден "тираннозавр" шықты. Біртүрлі кейіпкер қолына гүл ұстап алып, күйеу жігіттің досымен қолтықтасып келеді.

Кейінірек белгілі болғандай, қыз үйлену тойының алдында қатты жүдеп, алдын ала әзірлеп қойған көйлегі үлкейіп қалған екен. Құрбысына басқа көйлек алуға ақшасы жоқ екенін жеткізген ол ең арзан киімді іздеп табады – динозаврдың костюмі.

Алайда үйлену тойына келген қонақтар қыздың бұл қылығын сынға алды. Кейбіреулері жағасын ұстап, мұнысы жас жұбайларды сыйламағандық деді. Дегенмен көпшілік сыр білдірмеуге тырысқан. Ал видеоға жазылған пікірлерге қарасақ, желі қолданушылары әбден күліп, әзіл-қалжыңға толы жазбалар қалдырып, смайликтерді үйіп-төгіпті.

Көп ұзамай қалыңдықтың құрбысы костюмін шешті, сөйтсе тойға әп-әдемі көйлек киіп келген екен.