Арыстан әйнектің арғы жағында отырған балаға тап берді – қорқынышты видео

Оқиға Жаңа Орлеан (АҚШ,  Луизиана штаты) қаласының Одюбон саябағында болды: мұнда адамдар хайуанаттар бағына кіріп, қабырғасы әйнектен жасалған бөлмеде жануарларды тамашалай алады.

Видеода 4-5 жасар бала әйнек қабырғаға арқасын беріп отырады. Ал шынының ар жағындағы бұталардың арасынан шыққан қаншыр (арыстанның қаншығы) баланы көріп, "жемтігін" үркітіп алмау үшін сақтықпен, ақырын басып келе жатады.  

Бала жануарды көз қиығымен байқап қалып, сол жаққа бұрылып қарайды. Қаншыр кілт тоқтап, олжасына көз тастайды.

Бала еш саспайды, бұл арыстанның ашуын келтірсе керек, әйнекке жүгіріп келеді.  

Алайда балалы әйел келіп, сәбиін әйнектің артындағы қаншырдың алдына қойған кезде, жыртқыш өзін ұстай алмайды: ол артқы аяқтарымен тұрып,  алдыңғы аяқтарымен олжасын алмақ болып, әйнекті қатты ұра бастайды.

Жыртқыш әрқашан қауіпті екенін ескертетін қорқынышты видеоны тамашалаңыз.