Ұлы көлдер аймағында 900 мың адам жарықсыз қалды

Индиана, Мичиган, Висконсин және Канаданың Онтарио провинциясында дауыл мен жаңбыр ағаштар мен электр желілерін құлатып, жүздеген мың адам жарықсыз қалды, деп хабарлайды Almaty.tv тілшісі ҚазАқпаратқа сілтеме жасап.

Қарлы дауыл сенбі күні кешке басталып, жексенбі бойы жалғасты. «Poweroutage.us» мониторинг сайтының мәліметінше, Мичиганда 360 мың адам, көршілес Висконсинде — 62 мыңға жуық тұрғын, Индиана штатында — 110 мыңнан астам адам жарықсыз қалды.

Онтариода 400 мыңнан астам канадалық электр қуатынсыз қалды, деп хабарлайды poweroutage.com.

Канаданың орталық және шығыс провинцияларындағы ажырау негізінен көктайғақ салдарынан болды.

Мичиган, Миннесота, Нью-Йорк, Вермонт және Висконсин штаттарының кей бөліктерінде көктайғақ қаупі жоғары болды. 

Онтарио провинциясы полициясының хабарлауынша, Оттаваның оңтүстігінде ауа райының қолайсыздығынан екі көлік жыраға түсіп, төрт адам ауыр жарақат алған. 

Оқи отырыңыз: Қасым-Жомарт Тоқаев Ақордада Наташа Пирц-Мусарды қарсы алды