ШҚО-да тікұшақ апатына байланысты тергеу амалдары басталды

Шығыс Қазақстан облысында тікұшақ апатына байланысты тергеу амалдары басталды. Қазір оқиға орнында ішкі істер министрлігі мен жергілікті төтенше жағдайлар департаментінің қызметкерлері жұмыс істеп жатыр. Тікұшақ құлаған орынға бірнеше техника да жұмылыпты. Сондай-ақ жайттың жай-жапсарын анықтауға арнайы комиссия құрылған. Әзірге, апаттың болуына қауіпсіздік талаптарының сақталмауы себеп деген болжам айтылуда. Ал тікұшақтың иесі Гапура Тұрлыханова екен. Ол - көліктік бақылау комитетінің бұрынғы төрағасы Қайрат Тұрлыхановтың әйелі. Еске салайық, Аягөз қаласы маңында «С-341» тікұшағының жоғалғандығы хабарланған. Көп ұзамай, оның қалдықтары Аягөзден 60 шақырым жерден табылды. Апаттан ұшқыш мерт болып, жанындағы жолаушысы Айғыз ауылындағы аурухана жеткізілді.