Алматыдағы Әуезов ауданының бюджеті биыл 25%-ға ұлғайды

2024 жылы Әуезов ауданында әлеуметтік-экономикалық дамудың оң динамикасы байқалды, деп хабарлады қала әкімі Ерболат Досаев аудан тұрғындарымен кездесуде, деп хабарлайды Almaty.tv.

Қысқа мерзімді экономикалық индикатор бөлшек және көтерме сауда көлемінің, сондай-ақ құрылыс саласының өсуі есебінен 9,7%-ға артты.

Ауданның дамуына 2023 жылмен салыстырғанда 15% өсіммен негізгі капиталға 119,9 млрд теңге инвестиция тартылды.

Экономиканың негізгі драйверлерінің бірі шағын және орта бизнес болып қала береді. Жұмыс істеп тұрған ШОБ субъектілерінің саны 8,6%-ға өсіп, 60 мыңға жетті, Бұл 7,7 мыңнан астам жаңа тұрақты жұмыс орнын ашуға ықпал етті. 2024 жылы салықтар мен төлемдер 36,2% өсіммен 296,9 млрд теңге түсті. 
 
Ерболат Досаев атап өткендей, қала әкімдігі Әуезов ауданының дамуына ерекше көңіл бөледі, соның арқасында аудан бюджеті 2024 жылы 65%-ға және 2025 жылы тағы 25% - ға ұлғайып, 53,7 млрд теңгеге жетті. 

«Бүгінде қала және аудан әкімдіктері жұмысының негізгі бағыттары инженерлік және әлеуметтік инфрақұрылымды жаңғырту, ауданды сапалы абаттандыру және тұрғындарымыздың өмір сүру сапасын арттыру болып табылады», - деп түйіндеді сөзін Алматы әкімі.

Оқи отырыңыз: Алматыда 31 наурыз бен 6 сәуір аралығында ауа райы қандай болады