Алматы жастары үшін жаңа платформа: қатысушылардың 70 пайызы жұмысқа орналаса алады

Алматыда жас мамандарды қолдау үшін қалалық мансап орталығы ұйымдастырған "Next Generation Leaders" бірегей олимпиадасы басталды. Өңірлік коммуникациялар қызметінің брифингінде Қалалық мансап орталығының жұмыс берушілермен жұмыс бөлімінің басшысы Ақарыс Төребеков айтып өткендей, бұл жоба кадрлық резервті қалыптастыруға және жастар жұмыссыздығының деңгейін төмендетуге бағытталған, деп хабарлайды Almaty.tv.

Олимпиада үш кезеңнен тұрады: онлайн тестілеу, кейс-чемпионат және практикалық тапсырмамен жеке сұхбат. Жас мамандар түйіндеме жасауды, жұмыс берушілермен диалог жүргізуді және өздерінің кәсіби дағдыларын көрсетуді үйренеді.

Төребековтың айтуынша, жоба қаланың 15 жоғары оқу орнын қамтыды және қатысушылардың 70%-дан астамы барлық кезеңдерден өткеннен кейін жұмыс таба алады деп болжанып отыр.

"Next Generation Leaders олимпиадасы" - жай ғана байқау емес, жастардың әлеуетін ашуға арналған толыққанды алаң. Біз әрбір түлектің өз болашағына сенімді болғанын және лайықты жұмыс тапқанын қалаймыз", - деп атап өтті Төребеков.

Ол бұл бастамалар Алматыда жаңа мүмкіндіктер жасауға және жұмыссыздық деңгейін төмендетуге бағытталған жастарды қолдаудың кешенді бағдарламасының бір бөлігі екенін айтты.

Оқи отырыңыз: Жұмыспен қамту мен әлеуметтік қолдау: Алматыда 70 мың жас жұмыс тапты