Жасы 50-ден асқан Шаһизада сүйіктісі бар екенін жайып салды

50-ден асқан отандық әнші Шаһизада сүйгені бар екенін ашып айтты. Танымал өнер иесі ғашығының өзіне күнделікті сезім білдіретінін мәлім етті, деп жазады KAZ.NUR.KZ.

Әншінің айтуынша, оған жас жігіттер де желіде жиі хат жазады екен.

«Маған өте көп жазады. Жасырмаймын. Маған «Махаббат жасқа қарамайды» деген көзқараспен қарайды деп ойлаймын. Тойда отырмын, маған жас жігіттер жазып жатыр. «Қандай әдемісіз», «Танысуға болады ма?» деп жазады», - дейді Шаһизада.

Сондай-ақ, әнші өзінің сүйікті азаматының жанында екенін мәлім етті.

«Жанымда жақсы ер азамат жүр. Күнде «Жаным сол. Жақсы көрем» дейтін адам бар. Сондықтан мен әдемі болып жүремін», - деді әнші.

Сонымен қатар, өнер иесі болашақта тұрмысқа шығатын болса, оның өнер әлемінен алыс болғанын қалайтынын жеткізді.

«Болашақта тұрмыс құратын болсам, ерімнің өнер жолында жүргенін қаламаймын. Өнер жолы оңай емес. Қызғаныш деген өте көп болады. Шынымды айтсам, маған тіреу болатын беделді, мықты, жаныма жалау болатын, өтірік сөйлемейтін азамат жолықса деп армандаймын. Өзімнің пейіліме, көңіліме қарай алдымда әлі керемет махаббат күтіп тұрған шығар», - деді Шаһизада.

Естеріңізге сала кетейік, Шаһизада осыдан бірнеше күн бұрын жалғыз ұлының екі баласы бар әйелінен ажырасып кеткенін айтып, камера алдында көз жасына ерік берді.