Меншікті өндіріс
Біз әлеуметтік желілердеміз
Қарағандыда блок-бекеттегі қызметкерлерді мерекесімен құттықтады
Облыстағы 41 блок-бекетте туәлігіне 120-дан астам полиция қызметкері жұмыс істейді
Қарағанды облысы Полиция департаменті басшылығының бастамасымен аумақтық полиция бөліністерінің басшылары блок-бекеттерде қызмет атқарып жүрген қызметкерлерді Отан қорғаушы күнімен құттықтап, оларға естелік сыйлықтар табыстады, деп хабарлайды Almaty.tv Polisia.kz сайтына сілтеме жасап.
7 мамыр күні Қарағанды қалалық Полиция басқармасы басшысының бірінші орынбасары Ерлан Ақылбеков «соқыр» блок-бекетінде болып, қызмет атқарып жатқан қызметкерлерді мерекелерімен құттықтап, сыйлықтар табыстады.
«Төтенше жағдай режимі басталғалы сіздер жеке уақыттарыңызбен санаспай, қоғамдық қауіпсіздікті қадағалап, ел үшін қызмет атқарып жатырсыздар. Сіздерге зор алғысымды білдіре отырып, отбастарыңызға амандық, еңбектеріңізге жеміс тілеймін», – деді Ерлан Ақылбеков.
Естеріңізге сала кетейік, елімізде төтенше жағдай режимі 16 наурызда жарияланған болатын. Бүгінгі таңда Қарағанды облысы бойынша 41 блок-бекет бар және онда туәлігіне 120-дан астам полиция қызметкері жұмыс атқарып келеді.