Алматы әкімдігі қала әкімінің атынан жалған хабарлама таралып жатқанын ескертті

Алматы әкімдігі WhatsApp мессенджерінде қала әкімі Ерболат Досаев пен әкімдік қызметкерлерінің атынан жалған хабарламалар таралып жатқанын ескертті, деп хабарлайды Аlmaty.tv.

Қала әкімдігінің баспасөз қызметінен хабарлағандай, бейтаныс адамдар +7 707 342 64 39 нөмірінен, сондай-ақ басқа да мүмкін болатын нөмірлерден хабарлама жіберіп, қоңырау шалып жатыр.

«Ресми түрде хабарлаймыз: Алматы қаласы әкімдігі мұндай сипаттағы хабарламаларды таратпайды. Мұндай хабарламаларды тарату мен бейтаныс тұлғалардан келетін қоңыраулар – алаяқтық әрекеттер. Сіздерден өтінеміз: мұндай хабарламаларға жауап бермеңіздер. Сондай-ақ күмәнді сілтемелерге өтпеңідер және жеке деректі таратпаңыздар», - делінген хабарламада.

Қала әкімдігі тұрғындарды сақ болуға, тек ресми ақпаратқа сенуге шақырады.

«Егер осындай хабарлама алсаңыздар – құқық қорғау органдарына хабарласыңыздар», - делінген хабарламада.

Оқи отырыңыз: Алматыда 21-27 сәуір аралығында ауа райы қандай болады