Елімізде мал ұрлығымен айналысқан 26 қылмыстық топтың жолы кесілді

Елімізде мал ұрлығымен айналысқан 26 қылмыстық топтың жолы кесілді, деп хабарлайды Аlmaty.tv тілшісі.

Нақтырақ айтсақ, Алматы облысында 16 ірі қара мен 103 бас ұсақ малды қолды еткен екі топ ұсталса, Жамбыл облысында 28 жылқыны ұрлаған тағы 3-еу қолға түсті.

Тергеу барысында 131 адамның мал ұрлығына қатысы бары анықталған. Соның нәтижесінде полиция 135 қылмыстың бетін ашып, 580-нен астам малды иесіне қайтарған.

«Биылғы 11-31 наурыз аралығында кезекті рет республикалық кең ауқымды "Мал ұрысы" жедел-профилактикалық іс-шарасы өткізілді. 21 күндік операция барысында 54 мыңнан астам мал тасымалдаған автокөлік, 17 мыңнан астам сатып алу орындары, 28,5 мың шаруа қожалығы және фермалар тексерілді. Астана, Алматы және Шымкент қалаларында 13 заңсыз мал сою цехы анықталды», - деді ҚР Ішкі істер министрлігі криминалдық полиция департаментінің бастығы Қанат Нұрмағамбетов.

Оқи отырыңыз: Жол ережесін бұзған мопед жүргізушілеріне жаза қатаңдатылады