Қазақстаннан Өзбекстанға жаңа әуе рейсі қатынайды

Өзбекстанға жаңа әуе бағыты ашылады, деп хабарлайды Аlmaty.tv.

Көлік министрлігінің баспасөз қызметінен хабарлағандай, тұрақты негізде ұшу географиясы кеңейтіліп, қолданыстағы бағыттар бойынша рейстер санын арттыру аясында жұмыстар жүргізіледі.

«Биылғы жылдың 1 мамырынан бастап қазақстандық "QazaqAir" әуе компаниясы Астана – Түркістан – Самарқанд бағыты бойынша Өзбекстанға жаңа бағыт ашуды жоспарлап отыр. Рейстер аптасына 2 рет бейсенбі және жексенбі күндері орындалады. Қазақстан мен Өзбекстан арасындағы рейстердің жалпы саны аптасына 42-ден 44-ке дейін артады», - делінген ведомство хабарламасында.

Әуе қатынасының ашылуы екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал етпек.

Оқи отырыңыз: Самарқандтағы саммитке қатысушылар Aral Culture Summit көрмесін тамашалады