Қызылордада жүк пойызы автобуспен соқтығысты

Үш жолаушы ауруханаға жатқызылды

Жаңалықтармен бөлісіңіз

Қызылордада жүк пойызы автобуспен соқтығысты. Оқыс оқиға қала шетіндегі шыны зауытына баратын теміржол тұйығының жолында тіркелген, деп хабарлайды Almaty.tv.

Мәлім болғандай, түнгі уақытта индустриялық аумаққа бағыт алған жүк вагондары Қашаубаев көшесін қиып өтетін тұста «Setra» маркалы автобуспен соғысыпты. Салдарынан 7 адам түрлі дәрежедегі жарақат алса, тағы төртеуі алғашқы медициналық көмектен соң үйіне қайтарылған. Ал үш жолаушы ауруханаға жатқызылды. Қазіргі таңда полиция бұл дерек бойынша қылмыстық істің қозғалғанын хабарлады.

 «Қазіргі уақытта жол қозғалысы қауіпсіздігін немесе теміржол көлігін пайдалану ережелерін бұзу дерегі бойынша қылмыстық іс қозғалды. Тергеу жүргізілуде. Жол-көлік оқиғасының мән-жайлары анықталуда. Өзге ақпараттар жарияланбайды», – деді ОПД Анықтау басқармасы бастығының міндетін атқарушы Рахымжан Сұлтанқұлов.

Оқи отырыңыз: Мопедке мемлекеттік нөмір алу мерзімі қашан аяқталады

Новости партнеров