Түркістан облысында насыбай шығаратын жасырын цех жойылды

Түркістан облысында насыбайдың ондаған түрін шығаратын жасырын цех жойылды, деп хабарлайды Almaty.tv.

Заңсыз іспен айналысқандар денсаулыққа зиян тигізетін темекі өнімдерін жасап, оларды Астана, Алматы және Шымкент қалаларына жөнелтіп отырған. Дереу әрекет нәтижесінде қоймадан 10 млн астам тыйым салынған дайын өнім, 14 тонна темекі, сондай-ақ түрлі хош иістендіргіш улы қоспалар тәркіленді.

 «Арнайы операцияның нәтижесінде 1 000 шаршы метр аумақта күнделікті 30-дан астам жұмыскер жұмыс істейтін заңсыз цех жойылды. Шикізат дайындау мен логистиканы ұйымдастырудан бастап Астана, Алматы, Шымкент қалаларында және басқа өңірлерде ірі көтерме жеткізушілер арқылы өткізу арналарына дейінгі қылмыстық қызметтің барлық схемасы анықталды», – деді ҚР Қаржылық мониторинг агенттігінің ресми өкілі Ернар Тайжан.

Оқи отырыңыз: Қарағанды облысында департамент басшысы пара алды деген күдікке ілінді