Петропавлда 21 жастағы жігіттің денесі табылды

21 жастағы жігіттің мәйіті Петропавлдағы Солнечный шағынауданынан табылды. Тергеу амалдары жүргізіліп жатыр, деп хабарлайды Аlmaty.tv тілшісі Qazaqstan Media-ға сілтеме жасап.

Қайғылы оқиға сәуірдің 2-сі түнгі уақытта болған. 21 жастағы жігіттің денесін полицейлер тауып, жедел жәрдем қызметкерлерін шақырған. Алайда ер адамды аман алып қалу мүмкін болмапты.

«Оқиға орнына жеткен мамандар қажетті реанимациялық іс-шараларды жасады. Бірақ жігітті құтқарып қалу мүмкін болмады», — деп хабарлады облыстық жедел жәрдем орталығының директоры Юрий Белоног.

Облыстық полиция департаментінің баспасөз қызметі тергеу басталғандығын жеткізді.

«Жігіттің денесінде зорлық-зомбылық белгілері байқалмайды. Қазіргі уақытта қылмыстың барлық жағдайлары мен себептерін объективті зерттеуге бағытталған тергеу әрекеттері жүргізілуде», — делінген облыстық ПД баспасөз қызметі ұсынған ақпаратта.

Оқи отырыңыз: Денесі жертөледен табылған: министрлік ана өліміне қатысты мәлімдеме жасады