Мегаполисте интернет-алаяқтар тобы ұсталды

Алматыда интернет-алаяқтар тобы ұсталды, деп хабарлайды Almaty.tv тілшісі Polisia.kz-ке сілтеме жасап.

Әуезов аудандық полициясының мәліметінше, коммуналдық қызмет, тәртіп сақшылары, Ұлттық банк, екінші деңгейлі банктер және «Азаматтарға арналған үкімет» мемлекеттік мекемесінің қызметкерлерін желеу етіп, азаматтарды алдаған алты адам ұсталды.

Онлайн-алаяқтардың келесі құрбаны 61 жастағы Алматы тұрғыны болды. Алдымен олар коммуналдық кәсіпорындардың бірінің атынан телефон соғып, есептегішті ауыстырамыз деген желеумен СМС-кодты айтуын сұраған. Содан кейін қылмыстық әрекет «классикалық сценарий» бойынша дамиды: ер адамға оның атына несие алуға әрекеттену болғаны туралы хабарлап, барлық жинақ ақшасын «қауіпсіз шотқа» аударуды сұрады.

«Нәтижесінде жәбірленуші қаскөйлерге 11 рет 500 мың теңгеден жіберген. Жедел және арнайы іс-шаралар барысында күдіктілер анықталып, ұсталды. Кеше кешке олар кеңсе деп аталатын жерде ұсталды. Олар: 19 бен 29 жас аралығындағы алты ер адам. Ғимаратты тінту кезінде ұялы телефондар, SIM-карталар, ноутбуктер, банк карталары, ақша және қолма-қол ақшаны санау құрылғысы тәркіленді», - делінген хабарламада.

Спикердің айтуынша, ұсталған әрбір азаматтың әрекетіне құқықтық баға берілетін болады. Олар полицияға жеткізілді.

Оқи отырыңыз: Алматыда есірткі жарнамалары жойылды