Өрт сөндірушілер "Алматы Аренадан" шыққан өртті жылдам сөндіріп, 4 баланы құтқарып қалды

Алматы қаласындағы жабық мұз айдынының кіші залының бірінші қабатындағы спорттық инвентарьдан шыққан өрт қалалық Төтенше жағдайлар департаментінің қызметкерлерінің жылдам әрекет етуінің арқасында уақытында сөндірілді, деп хабарлайды Аlmaty.tv.

Алматы қалалық ТЖД бастығының міндетін уақытша атқарушы Бағдат Шайзаданың хабарлауынша, 40 шаршы метр аумаққа таралған өрт дер кезінде сөндіріліп, 4 бала құтқарылған.

"2025 жылдың 25 қаңтарында 15.16 минутта Алматы қаласының гарнизонына үшінші жоғарғы ранг бойынша Алматы Аренаға шыққан болатын. Шақырту орнынан 40 шаршы метр алаңнан ойын батуттарының жанып жатқаны анықталды. Ғимараттан 400 адам эвакуалиянды. Сонымен қатар өрт сөндірушілер көмегімен 4 бала құтқарылды", - деп атап өтті  Бағдат Шайзада.

ТЖД қызметкерлерінің мәліметінше, өрт басталған уақытта ғимаратқа келушілер мен қызметкерлер өрт сөндірушілер келгенге дейін өз бетінше шығып үлгерген.

"Газ-түтіннен қорғау қызметінің звеносы құтқару қалпақтарының көмегімен төрт баланы эвакуациялады", - деді төтеншеліктер.

Қазіргі уақытта өрт толықтай жойылды.

Оқи отырыңыз: Өрт сөндірушілер Мұзды сарайдағы өртті сөндірді