Алматыда интернет-алаяқтық дерегі азайды

Photo by John Schnobrich on Unsplash
Photo by John Schnobrich on Unsplash

Алаяқтықтың бұл түрін анықтау көрсеткіші айтарлықтай жақсарды

Жаңалықтармен бөлісіңіз

Алматыда интернет-алаяқтық дерегі азайды, деп хабарлайды Almaty.tv тілшісі Polisia.kz-ке сілтеме жасап.

Алматының криминалдық полициясының мәліметінше, өткен жылдың қорытындысы бойынша интернет-алаяқтық 12 пайызға азайған. Сондай-ақ алаяқтықтың бұл түрін анықтау көрсеткіші айтарлықтай жақсарды. Өткен жылы Кибернадзор ақпараттық жүйесі арқылы интернет-алаяқтыққа ықпал ететін 746-дан астам ресурс анықталды және бұғатталды. Сонымен қатар жиі алаяқтардың құрбаны болатын қарт адамдармен алдын алу шаралары жүргізілуде: полиция қызметкерлері жадынамалар таратып, алаяқтықтың жаңа түрлері мен әдістері туралы түсіндіруде.

"Өкінішке қарай, киберқылмыскерлердің заманауи әдістері бізді интернеттегі қылмыспен күресу үшін жедел және алдын алу шараларын қабылдауға міндеттейді. Осыған орай, өткен жылы полиция департаментінде «Киберпол» бөлімшесі құрылып, ІТ-технологиялар саласындағы қылмыстарды ашу жұмысын жалғастыруда", – деді Алматы қалалық ПД криминалдық полиция басқармасының бастығы Талант Исаев.

Алматы қалалық полициясы тағы да азаматтарды жеке деректеріне қатысты тәртіпті сақтауға шақырады: ешкімге жеке мәліметтерді, телефондарыңыздың құпия сөздерін немесе карталарыңыздың CVR кодтарын бермеңіз. Оларды алаяқтар пайдалануы мүмкін. Банктің кез келген қоңырауын, туыстармен болған кез келген жағдай қайта тексерілуі керек.


Оқи отырыңыз: Биыл Алматыда қанша шақырым жол жөнделеді

Новости партнеров