«Семей орманы» резерватындағы орман өрті оқшауланды

Абай облысына қарасты «Семей орманы» МОТР аумағындағы өрт оқшауланды, деп хабарлайды Аlmaty.tv Орман шаруашылығы және жануарлар дүниесі комитетінің баспасөз қызметіне сілтеме жасап.

Ведомство мәліметінше, орман өрті 5 сәуірде сағат 08:00-де толық оқшауланды.

«Семей орманы» МОТР бас директоры Дәулет Байболатовтың басқаруымен өртті сөндіруге:

• ЭТРМ (орман күзеті) – 143 адам, 65 техника бірлігі;
 • ЖАО – 30 адам, 11 техника бірлігі;
 • ТЖМ – 60 адам, 20 техника бірлігі;
 • ІІМ – 10 адам, 3 техника бірлігі жұмылдырылды.

«Қазіргі кезде өртті сөндіру жұмыстары жалғасып жатыр. Өртті толық жою үшін барлық қажетті шаралар қабылдануда. Қосымша ақпарат жағдайдың өрбуіне қарай беріледі», - делінген хабарламада.

Айта кетейік, жұма күні, яғни 4 сәуірде Абай облысы Бесқарағай ауданы Ерназар ауылдық округіне қарасты Қоянбай ауылында құрғақ шөп өртенген. Өрттің тез таралуына екпінді жел 18 м/с ықпал етіп, соның салдарынан дала өрті «Семей орманы» мемлекеттік орман табиғи резерватының Морозовский бөлімшесінің орман алқабына жартылай таралған.

Оқи отырыңыз: Жыл басынан бері елімізде жол апатынан 17 бала көз жұмған