Шымкентте полиция формасын киіп, тікелей эфир жүргізген тиктокер қыз жазаланды

Шымкент қаласының полиция департаменті тик-ток әлеуметтік желісінде полицияның формасын киіп, тікелей эфир жүргізген блогерге қатысты әкімшілік хаттама толтырған, деп хабарлайды Almaty.tv тілшісі Polisia.kz-ке сілтеме жасап.

Форманы киген қыз ішкі істер органдарынығң беделіне кір келтіретін және офицер атағына сай емес әрекет көрсеткен.

«Тәртіп сақшылары бойжеткеннің кім екенін анықтады. Ол полицияның жұмысына еш қатысы жоқ 24 жастағы азаматша болып шықты. Полицияның нысанды киімін заңсыз кигені үшін құқық бұзушыға қатысты әкімшілік хаттама толтырылды. Нысанды киім тәркіленіп алынды», - деп хабарлайды дереккөз.

Сондай-ақ құқық қорғаушылар полицияның формасын заңсыз кию – тәртіпке қайшы әрекет екенін еске салады.

Оқи отырыңыз: Көмір бағасымен манипуляция жасаған ірі тауар биржасының басшылары ұсталды