СҚО-да Ұйымдасқан қылмысқа қарсы күрес басқармасы бастығының экс-орынбасары ұсталды

Петропавлда Солтүстік Қазақстан облысы бойынша Ұлттық қауіпсіздік комитеті департаментінің қызметкерлері облыстық полиция департаментінің ұйымдасқан қылмысқа қарсы күрес басқармасы бастығының бұрынғы орынбасары Ерболат Қаптаевты ұстады. Бұл туралы ақпарат әлеуметтік желіде таралған болатын, деп хабарлайды Аlmaty.tv тілшісі Qazaqstan Media-ға сілтеме жасап.

"Ерболат Қаптаев бірнеше рет пара алғаны және ұйымдасқан қылмыстық топқа қолдау көрсетті деген күдікке іліккен", - делінген хабарламада.

Операцияның ҰҚК орталық аппаратымен бірлесіп жүргізілгені анықталды.

Ұсталған адамның 23 қыркүйекте СҚО ҰҚҚК бастығының орынбасары қызметінен босатылғаны белгілі болды.

Оқи отырыңыз: ҚТЖ-дан дизель отынын ұрлаған қылмыстық топ ұсталды