Таразда мұқтаж жандарға арналған пәтерлер коммуналдық меншікке қайтарылды

2024-2025 жылдары прокуратура жүргізген талдау нәтижесінде азаматтармен заңсыз сатып алынған 13 пәтер мен 2 жер учаскесі анықталды, деп хабарлайды Аlmaty.tv ведомствоның баспасөз аратқа сілтеме жасап.

Қала прокурорының апелляциялық өтінішінің негізінде 3 пәтер бойынша сот актілерінің күші жойылды, оның ішінде 2 пәтер әлеуметтік осал топтарға жататын меншік иелеріне қайтарылды.

Құны 16 млн теңгені құрайтын орталықта орналасқан 4 бөлмелі пәтер мемлекетке қайтарылды.

Азамат бұл пәтерді қала тұрғынының жазбаша келісімімен сатып алған, кейіннен меншік құқығын тану туралы талаппен сотқа жүгінген, бұл талап бірінші сатыдағы сотпен қанағаттандырылған.

Апелляциялық инстанцияда талапкердің пәтерде 7 жыл бойы үздіксіз тұрып жатқанын растайтын құжаттар мен басқа меншік иелерінің сатуға келісімі ұсынылмағаны анықталды.

«Сонымен қатар қадағалау актісі бойынша сот қала әкімдігінің жалпы құны 60 млн теңгеге 5 пәтерді иесіз деп тану және оларды коммуналдық меншікке беру туралы талаптарын қанағаттандырды. Аталған пәтерлер кезекте тұрған әлеуметтік осал топтарға жататын азаматтарға берілетін болады», - делінген хабарламада.

Сондай-ақ прокурордың актісі мен талап арызы бойынша мемлекетке жалпы алаңы 18 сотық 2 жер учаскесі қайтарылды.  

Оқи отырыңыз: Шығын көлемі анықталды: Перизат Қайратқа қатысты тергеу аяқталды