Алматыда Қасым-Жомарт Тоқаев оқыған мектеп сайлау күні түлектері үшін тартымды орынға айналды

Алматыда ҚР Президенті Қасым-Жомарт Тоқаев оқыған бұрынғы №25 мектепте сайлау учаскесі бар, ол соңғы қоңыраудан кейін ондаған жыл өткен соң сайлау сайын түлектердің кездесу орнына айналды, деп хабарлайды Almaty.tv. 

Қазақстан Президенті Қасым-Жомарт Тоқаев оқыған №25 Алматы мектебінің аумағы бір күнде адамдар дауыс беретін ғана емес, ескі достар кездесетін тартымды орынға айналды. Күтпеген кездесулердің қуанышты сәті мерекелік ахуалды жандандыра түсті. Мектептің бұрынғы түлектері соңғы қоңыраудан кейін ондаған жылдар өтсе де кезекті сайлауларда бір-бірін көре алады.

"Біздің учаскеміз шағын, бірақ барынша тартымды. Оның басты ерекшелігі – мектептердің бұрынғы түлегі  балаларымен осында келіп, ескі таныстарын, сыныптастарын қарсы алады. Бұл өте әсерлі сәттер", – дейді №9 учаскелік сайлау комиссиясының төрайымы Ғазиза Аманбай.

Бұл учаскеде барлығы 1897 сайлаушы тіркелген, олар таңертең белсенділік көрсетті.  

"Біз өз учаскемізде қызық жайттарды байқадық. Мысалы, таңғы уақытта көбінесе ер адамдар келді. Енді түске қарай әйелдер, сондай-ақ бірнеше ұрпағы бар отбасылар келуде. Әсіресе биылғы жылы жастар өзінің азаматтық ұстанымын белсенді түрде білдіруде, бұл әрине, қуанышты жайт", – деп атап өтті Ғазиза Аманбай.

Жаңа ғана келген сайлаушылардың бірі, жас ұрпақтың өкілі алматылық Мәди Асаубаев бізбен сөйлесуге келісті. Ол жастар өзінің сайлау құқығын белсенді пайдаланатынына сенімді.

"Жаңа ұрпақ өз тағдырын шешетін адам екенін түсінгенін қалаймын. Біз осы мемлекетте тұрамыз. Біз өз таңдауымыздың нәтижелерін көреміз", – деп атап өтті жігіт.

Сайлау учаскесіне жас балалармен келген жас ата-аналар Әйгерім мен Ринат Шаяхметовтар да осы пікірді қолдады.

"Біздің қызымыз 3,5 жаста, ал ұлымыз 7 айлық. Біз сайлауға қатысу маңызды екенін түсінеміз, өйткені дәл қазір біз балаларымыздың болашағының жарқын болғанын қалаймыз. Сондықтан біз бүгініміз бен ертеңгі болашағымыз үшін өз таңдауымызды жасадық", – дейді ерлі-зайыптылар.

Айта кетсек, Алматы бойынша сайлаушылардың келуі 11,25%-ды құрайды.