Меншікті өндіріс
Біз әлеуметтік желілердеміз
Рахат Қалжан күрестен Азия чемпионатының финалына шықты
23.04.2022 21:15
Финал Нұр-Сұлтан уақытымен 16:00-де басталады
ашық дереккөз
Бүгін Ұлан-Батырда (Моңғолия) өтіп жатқан Азия чемпионаты аясында еркін күрестен жарыстар басталды, деп хабарлайды Almaty.tv ҚР Ұлттық олимпиада комитетіне сілтеме жасап.
Қазақстандық Рахат Қалжан 57 келіге дейінгі салмақ санатында финалға шықты. Ол жартылай финалда қырғызстандық Алмаз Сманбековті 6:5 есебімен жеңді.
Ақтық сында Рахаттың қарсыласы Үндістан спортшысы Кумар Рави болады.
Сондай-ақ екі қазақстандық атлет жұбаныш финалына жолдама алды. Талғат Сырбаз (70 келіге дейін) бен Мамед Ибрагимов (97 келіге дейін) үшінші орын үшін таласады.
Финал Нұр-Сұлтан уақытымен 16:00-де басталады.