Олимпиада және Паралимпиада жүлдегерлеріне төлемдер жіберілді - министрлік

Қазақстан Республикасы Үкіметі 2024 жылы Парижде өткен XXXIII жазғы Олимпиада және XVII жазғы Паралимпиада жеңімпаздары мен жүлдегерлеріне ақшалай сыйақы беру туралы қаулы қабылдады деп хабарлайды Almaty.tv.

Қаулыға сәйкес, Үкімет резервінен спортшылар мен олардың жаттықтырушыларына төлемдер жіберілді.

ҚР Туризм және спорт министрлігінің мәліметінше, барлығы 49 спортшы мен 63 жаттықтырушы ақшалай сыйақы алды.

Оқи отырыңыз: "Біржан Сара ізімен": айтысқа қатысушылар көрерменді несімен тәнті етті

Қолданыстағы заңнамаға сәйкес мынадай мөлшерде ақшалай сыйақылар қарастырылған:

• 1-орын — 250 000 АҚШ доллары;
• 2-орын — 150 000 АҚШ доллары;
• 3-орын — 75 000 АҚШ доллары;
• 4-орын — 30 000 АҚШ доллары;
• 5-орын — 10 000 АҚШ доллары;
• 6-орын — 5 000 АҚШ доллары.

Ақшалай сыйақы жүлдегерлердің бірінші, жеке және бас жаттықтырушыларына да беріледі.

Сонымен қатар Олимпиада мен Паралимпиада жеңімпаздары мен жүлдегерлеріне жергілікті атқарушы органдар тарапынан қолдау көрсетіледі. Атап айтқанда, әкімдіктер спортшыларға жергілікті коммуналдық тұрғын үй қорынан тегін пәтер ұсынады.

Оқи отырыңыз: Мектеп сүрілсін: Атырауда апатты деп танылған білім ордасында балалар жарақат алған