Малайзияда жойқын жарылыстан 25 адам зардап шекті

Малайзияда жойқын жарылыс болып, салдарынан 25 адам зардап шекті, деп хабарлайды Almaty.tv.

Апатты жағдай ел астанасы Куала-Лумпурдың маңында болған. Шетелдік БАҚ өкілдерінің мәліметінше, тілсіз жау газ құбырынан шыққан. Ал куәгерлер қызыл жалынның биіктігі шамамен 500 метрге жеткенін айтады. Сондай-ақ төтенше жағдай салдарынан жақын маңдағы үйлерге зақым келген. Жергілікті билік оларды эвакуациялау туралы пәрмен берді.

Ал Таиландта қазақстандық туристер мінген қайықта жарылыс болып, отқа оранды. Оқыс оқиға елдің оңтүстігіндегі Пхукет аралында болған. Су көлігінде 31 турист болған. Абырой болғанда, 30 адам суға секіріп үлгерген. Ал ресейлік бір азаматты күйік шалып, ол ауруханаға жеткізілді. Қалған туристер аман-есен қонақүйге оралды.

Оқи отырыңыз: Мьянмадағы жойқын жер сілкінісінен қаза тапқандар саны артты