Ақсай су жинағышының құрылысы қашан аяқталады

Алматыдағы «Ақсай» су жинағыштың құрылысы біткен соң 150 мың адам сапалы ауыз сумен қамтылады.Бұл туралы Алматы әкімі Ерболат Досаев Наурызбай ауданы тұрғындарымен кездесу барысында мәлімдеді, деп хабарлайды Almaty.tv.

Әкімнің айтуынша, бүгінде жұмыстардың 80%-ы аяқталған. Құрылыс маусымы басталған соң, нысанға апаратын көпірлер мен жолдардың құрылысы жалғасады.

«Integra Construction компаниясы белгіленген кестеге сәйкес қараша айында іске қосу-жөндеу жұмыстарын аяқтайды. Осылайша, қаланың батыс бөлігі мен Алматы облысының бірнеше елді мекені сапалы ауыз сумен қамтамасыз етіледі.Барлық қажетті қаражат бөлінді, бастысы – мердігер жұмысты белгіленген мерзімде аяқтауы тиіс», – деді Ерболат Досаев.

Оқи отырыңыз: Алматының Наурызбай ауданында су құбыры және кәріз желілері салынады