Алматы кардиохирургтары ер адамның қайта инфаркт алуына жол бермеді

Алматы Қалалық кардиологиялық орталығына жіті коронарлық синдроммен түскен науқасқа көмек көрсетілді, деп хабарлайды Аlmaty.tv тілшісі қалалық қоғамдық денсаулық басқарамасының баспасөз қызметіне сілтеме жасап. 

Жүргізілген коронарографияның нәтижесінде  коронарлық арнаның қауіпті үш тамырлы зақымдануын анықтады.

Жағдайдың ауырлығын және бірнеше жыл бұрын миокард инфарктісін бастан өткерген науқастың жағдайын ескере отырып, дәрігерлер жедел коронарлық артерияны айналып өту туралы шешім қабылдады.

Науқастың жағдайы өте ауыр, уақыт тығыз болды. Қайта инфаркт алу қаупі жоғары болғандықтан жедел шешіидер қабылданды. Жұмыс істеп тұрған жүрекке жасалған ота кезінде хирургтар үш шунт қойды, бұл зардап шеккен артериялардағы қан ағымын қалпына келтіруге және инфарктың қайта дамуына жол бермеді.

Сәтті хирургиялық араласудан кейін науқас 6 күн бойы стационарда мамандардың бақылауында болды.

Қазіргі уақытта оның өміріне қауіп төніп тұрған жоқ және оның жағдайы жақсарып, үйге шығарылды.

Бұл мысал кардиохирургтардың уақтылы медициналық көмегі мен кәсібилігі ауыр асқынулармен түскен науқастың өмірін сақтап қалғанын көрсетті.

2024 жылдың басынан бастап Алматы Қалалық кардиологиялық орталығының кардиохирургтары ашық жүрекке 250-ге жуық  ота жасады, соның ішінде коронарлық артерияны айналып өту, клапанды жүрек ақауларын түзету және аорта хирургиясы сияқты күрделі араласулар жүзеге асырылды. Мұндай оталар көптеген науқастың өмірін сақтап, өмір сапасын жақсартты.

Орталықта жасалатын хирургиялық араласудың негізгі түрі - коронарлық артерияны айналып өту.

Ол жүрек-өкпе айналымы жағдайында да, жұмыс істейтін жүректе де орындалады. Атап айтқанда, жұмыс істейтін жүрекке ота жасау әсіресе күрделі және хирургтардың жоғары біліктілігін қажет етеді.

- 2023 жылы біздің Орталықта жұмыс істейтін жүрекке 114 ота жасалса, биыл 6 айда жүректің ишемиялық ауруы бар, шунттауды қажет ететін науқастар үшін 50-ге жуығы жасалды, - деп бөлісті кардиохирургия бөлімшесінің меңгерушісі Нұржан Мүсірепов.

Жүректің клапан патологиясын түзету - кардиохирургтар жұмысының тағы бір маңызды аспектісі.

Мұндай оталар клапандар өз қызметін атқара алмаған әр түрлі зақымдану кезінде қажет.

Клапан пластикасы протездеуге қарағанда, күрделі процедура болып табылады, өйткені ол пациенттің өз клапанының құрылымын қалпына келтіруді қажет етеді. Әрі протезді орнатқаннан кейінгі  дәрі-дәрмекті ұзақ уақыт ішуді қажет етпейді.

Орталықта шағын қолжетімді оталар сияқты жаңа емдеу әдістері белсенді түрде енгізіліп келеді.

- Мысалы, қолқа қақпақшаларын протездеу енді кішкене кесу арқылы жүзеге асырылады, бұл араласу кезіндегі жарақаттануды айтарлықтай азайтады және пациенттің қалпына келуін жеңілдетеді. Сондай-ақ, торакоскопиялық әдістер енгізілді, олар да жедел араласудың  шағын инвазивті әдісіне жатады, - деп атап өтті Нұржан Мүсірепов.

Алматының кардиохирургтары пациенттерге ең заманауи және тиімді медициналық қызметтердің қолжетімдігін қамтамасыз ете отырып, емдеудің жаңа технологиялары мен әдістерін дамытуды жалғастырады.

Оқи отырыңыз: Алматыда қатерлі ісіктің ерте сатысында анықтау деңгейі өсті