Алматы бейнесі: Алматыда ата-аналар арасында сайыс басталды

Алматылық ата-аналар арасында фотогалерея сайысы басталды. «Алматы бейнесі» деп аталатын жоба аясында 300-ге жуық сурет қабылданған, деп хабарлайды Almaty.tv.

Қазылар алқасы олардың ішінен 40 үздік туындыны таңдап, арнайы фотокөрме ұйымдастырған. Бейнелер жиынтығын Шәмшә Беркімбаева атындағы қыздар мектеп-лицей-интернатында 3 күн бойы тамашалауға болады. Фотосуреттер бес номинация бойынша бағаланып, жеңімпаздар арнайы қаржылай сыйлықпен марапатталады. Жүлде қоры - 250 мың теңге.

«Фотогалерея мақсаты – лицей ата-аналарымыздың бірлік пен достығын дамыту. Тек біздің лицей емес, Алматы қаласының басқа мектептеріне де шақыру жібердік. Арасында  40 суретті кәсіби мамандар  таңдады. Көрмеге қойылды», – деді Ш. Беркімбаева атындағы қыздар мектеп-лицей-интернатының директоры Тамер Гюр.

Оқи отырыңыз: Полицейлер шығынға батырды: 16 қызметкер цех ішінің астаң-кестеңін шығарған