Алматыда Құрманғазы көшесінде көлік қозғалысы уақытша шектеледі

2025 жылы 15 наурызда сағат 09:00-ден 15:00-ге дейін Алматының Алмалы ауданында Құрманғазы көшесінде, Достық даңғылынан Пушкин көшесіне дейінгі аралықта автокөлік қозғалысы шектеледі, деп хабарлайды Almaty.tv.

Уақытша шектеулер жолдың жоғарыда аталған бөлігінде жылу желілерінің үстіндегі асфальт жабындысының шөгуін жою мақсатында енгізіледі. Бұл ақауды мамандар анықтаған, ал жөндеу жұмыстарын мердігер ұйым кепілдік міндеттемелері аясында жүргізеді.

Көлік қозғалысын шектеу туралы ақпарат Almaty.kz сайтында, AlmatyJoly Telegram-арнасында, аудан әкімдіктері мен басқармалардың әлеуметтік желілерінде жарияланған.

«Алматы жылу желілері» ЖШС уақытша қолайсыздыққа түсіністікпен қарауды сұрайды.

Оқи отырыңыз: Қазақстанның екі облысында тасжол жабылды