Алматыда сала мамандары бас қосты

«Қазақстанның егемен мемлекет ретінде қалыптасуында Алматы қаласының тарихи рөлі мен маңызы зор». Қала құрылысына үлес қосқан азаматтарды еске алу мақсатында ұйымдастырылған іс-шарада жиналғандар осылай деді, деп хабарлайды Almaty.tv.

«Объектив арқылы экранға: «Алматы – тәуелсіздіктің алтын бесігі» атауымен өткен жиында елдегі білім, ғылым, мәдениет және әлеуметтік-экономикалық сала қызметкерлері бас қосты. Іс-шара барысында Орталық мемлекеттік кино-фотоқұжаттар мен дыбыс жазбалары архивінің қорында сақталған құнды фотосуреттерден құрастырылған көрме ұсынылды.  

«Тұңғыш Президент музейі бізге Тәуелсіздік күні қарсаңында бірлескен ауқымды іс-шара өткізуді ұсынды. Әрине, біз қуана келістік. Себебі, бұл дата - архив қызметкерлері үшін аса маңызды күн», – деді  ҚР Орталық мемлекеттік кино-фотоқұжаттар және дыбыс жазбалары архиві директорының орынбасары Сәуле Сатаева.

Оқи отырыңыз: Алматы қаласы Әділет департаментінің ғимараты пайдалануға берілді