Ауыл шаруашылығы техникасы нарығында бірқатар заңбұзушылық анықталды

Монополияға қарсы орган ауылшаруашылық техникасы нарығында жұмыс істейтін бірқатар компанияларға қатысты тергеп-тексерулерді аяқтап, монополияға қарсы заңнаманы бұзу фактілерін анықтады, деп хабарлайды Аlmaty.tv Бәсекелестікті қорғау және дамыту агенттігіне сілтеме жасап.

Тергеу қорытындысы бойынша «KazRost Engineering» ЖШС комбайндарға монополиялық жоғары баға қолданғаны анықталды. Қазіргі уақытта іс Қазақстан Республикасының Жоғарғы сотында қаралып жатыр.

Бұдан басқа, «BELARUS Kazakhstan» ЖШС дилерлердің экономикалық қызметін үйлестіруде кінәлі деп танылды, бұл тракторларды сату кезінде бірыңғай бағаны белгілеуде көрініс тапқан. Компанияның талқылау қорытындысы бойынша 2,5 млн теңге көлемінде айыппұл тағайындалды, сондай-ақ заңбұзушылықты тоқтату туралы нұсқама берілді.

Қазіргі уақытта айыппұл төленді, нұсқама орындалды.

«Өндірісте тракторларға монополиялық жоғары баға белгілеу белгілері бойынша «Қазақстан Агро Инновациялық Корпорациясы» ЖШС-іне қатысты тергеу жүріп жатыр», - деді агенттік төрағасы М. Омаров.

Сонымен қатар «МТЗ Қазақстан» ЖШС монополияға қарсы органның хабарламасын орындады және баламалы келісімдерге әртүрлі бағаларды қолдану тәжірибесін тоқтатты.

Оқи отырыңыз: Барлық несиесін өтеп бермек: "Қазақмыс" қаза тапқан кеншілердің отбасына 90 млн теңге бөлді