Қамқорлық: Алматыда ерекше қажеттілігі бар балаларға арналған бейімдеу орталығы ашылды

Алматыда ерекше қажеттілігі бар балаларға арналған бейімдеу орталығы ашылды, деп хабарлайды Almaty.tv.

«Қамқорлық» деп аталатын жаңа медициналық мекеме перинатология және балалар кардиохирургиясы орталығының базасында құрылған. Онда дамуында ақауы бар бүлдіршіндер мен шала туған нәрестелерге кешенді көмек көрсетіледі. Орталықта жыл сайын 600-ге жуық бала міндетті әлеуметтік медициналық сақтандыру жүйесі шеңберінде ем алады. Құрылыс жұмыстарының нәтижесімен танысқан қала әкімі Ерболат Досаев мердігерге бірнеше ескерту айтып, олқылықтарды жоюды тапсырды.

 «Жеке сауықтыру бағдарламаларын невропатолог, реабилитолог, неонатолог, физиотерапевт, жаттығу терапевті, логопед және дефектолог мамандар жүргізеді. Туғаннан жүрек ақауы бар 18 жасқа дейінгі балаларға осында көмек көрсетеміз», – деді Перинатология және балалар кардиохирургиясы орталығының директоры Гүлнәр Нұрланова.

Оқи отырыңыз: Кітапқа арт-контент әзірлеу: студенттер арасында байқау басталды