Қазақстандық жас шахматшылар әлем чемпионатында 4 алтын иеленді

Сербияда өткен классикалық шахматтан мектеп оқушылары арасындағы әлем чемпионатында қазақстандық дарындар жеңіске жетті, деп хабарлайды Аlmaty.tv.

Қазақстан шахмат федерациясының баспасөз қызметінен хабарлағандай, 20-28 наурыз аралығында өткен чемпионатта қазақстандық дарынды балалар 4 алтын , 3 күміс және 1 қола медальға қол жеткізді.

2025 жылғы әлем чемпиондары:

• Абдул-Малик Қайрат (U7, Астана) — 9 партиядан 9 жеңіс!
• Алишә Бисалиева (G9, Астана);
• Алимжан Жауынбай (U11, Астана);
• Артём Богданов (U17, Алматы).

Күміс жүлдегерлер:

• Нұрислам Сұлтанхан (U9, Түркістан облысы);
• Ханзада Аманжол (G13, Ақтөбе облысы);
• Малика Жаппарбекова (G15, Астана).

Қола жүлде:

• Нұрмұхаммед Қабиназар (U15, Алматы).

44 елден келген 470 қатысушының ішінде Қазақстан командалық есепте 1-орын иеленді.

Оқи отырыңыз: Қазақстандық боксшылар халықаралық турнирде 8 алтын жүлде жеңіп алды