ШҚО-да 60 жастағы қарт жеке куәлігін алғаш рет алды

ШҚО-ның Глубокое ауданының тұрғыны жеке куәлігін алғаш рет 60 жасында алды, деп хабарлайды Almaty.tv тілшісі Azattyq Rýhy агенттігіне сілтеме жасап.

Глубокое АПБ КҚҚБ полицейлері 60 жастағы Белоусовка кентінің тұрғынына жеке куәлік рәсімдеуге көмектесті.

Валерий Николаевич 1993 жылдан бері Белоусовка кентінде тұрған.

Қолындағы жалғыз құжат 1974 жылғы КСРО үлгідегі төлқұжаты болып, бірақ ол оны әлдеқашан жоғалтып алған.

«КҚҚБ қызметкерлері оған туу туралы куәлікті қалпына келтіріп, ҚР азаматтығына жататын растау үшін қажетті құжаттарды жинауға көмек көрсетті.

Қазіргі таңда Валерий Николаевич Беляков көптен күткен құжатын алды.

Осыған байланысты қандай да бір себептермен жеке басын куәландыратын құжаттары жоқ азаматтарға тұрғылықты жері бойынша Көші-қон қызметіне жүгінуді ұсынамыз», - делінген ПД хабарламасында.

Оқи отырыңыз: Шығыс Қазақстанда қос азаматтықпен жүрген 16 адам анықталды