Жаңа SIM-карта сатып алатындар биометриядан өтетін болады

Жаңа SIM-карталарды сатып алу кезінде биометриялық сәйкестендіру енгізіледі. Бұл туралы Цифрлық даму, инновациялар және аэроғарыш өнеркәсібі министрі Жаслан Мәдиев айтты, деп хабарлайды Almaty.tv тілшісі inbusiness.kz-ке сілтеме жасап.

"Соңғы кезде онлайн алаяқтық фактілері жиілеп кеткені ешкімге жасырын емес. Азаматтардың дербес деректерінің таралып кету фактілері бар. Осы бағытта қандай жұмыс атқарылып жатыр?" - деп сұрады Премьер-министр Олжас Бектенов.

Жаслан Мәдиевтің сөзінше, алаяқтық қоңыраулар анықталып, бұғаттауға арналған антифрод орталықтар құрылды.

"Жаңа SIM-карталарды сатып алу кезінде биометриялық сәйкестендіру енгізіліп жатыр. SIM-карталарды үшінші тұлғаларға заңсыз беру және SIM-бокстарды заңсыз пайдалану кезінде жауапкершілік күшейтіліп жатыр", - деді министр.

Оқи отырыңыз: Көктөбедегі жаңа соқпақ алматылықтарды таңқалдырды