Ауа райы: синоптиктер бүгін қай өңірлерде жаңбыр жауатынын айтты

Синоптиктер 21 қыркүйекке арналған ауа райы болжамын жариялады, деп хабарлайды Аlmaty.tv «Қазгидромет» РМК баспасөз қызметіне сілтеме жасап. 

«Еліміздің басым бөлігінде фронтальды бөлімдердің әсерінен жаңбыр жауады, солтүстігінде, оңтүстік-шығысында найзағай болады. Солтүстікте, шығыста, оңтүстік-шығыста жел күшейеді. Солтүстік-батыста, солтүстікте, оңтүстік-шығыстың таулы аймақтарында тұман түседі», - делінген хабарламада.

Ақтөбе облысының солтүстігінде 1 градус аяз сақталады.

Ақтөбе, Қарағанды облыстарында, Ұлытау облысының шығысында, Жетісу облысының батысында, Батыс Қазақстан облысының солтүстігінде, солтүстік-шығысында, Қызылорда облысының солтүстік-шығысында, солтүстік-батысында, Жамбыл облысының оңтүстік-батысында, оңтүстік-шығысында, Шығыс Қазақстан облысының батысында, Қостанай облысының оңтүстігінде, орталығында жоғары өрт қаупі сақталады.

Маңғыстау, Атырау, Түркістан, Қызылорда, Жамбыл, Батыс Қазақстан облыстарында, Қарағанды облысының батысында, Ұлытау облысының шығысында, Абай облысының оңтүстігінде, Жетісу облысының солтүстігінде, орталығында, Ақтөбе облысының батысында, оңтүстігінде, Алматы облысының солтүстігінде, батысында төтенше өрт қаупі сақталады.