Алматыда ер адам №135 автобус жолаушыларын пышақпен қорқытты

Алматы полициясы автобус жолаушыларын пышақпен қорқытқан ер адамды іздестіріп жатыр, деп хабарлайды Almaty.tv тілшісі Zakon.kz-ке сілтеме жасап.  

Әлеуметтік желіде бейнежазба тарған. Онда қоғамдық көліктің ішінде ер адамның пышақпен  жолаушыларды қорқытқаны түсірілген. Кейін ер адам автобустың дөңгелегін теспек болғанын көруге болады.

Полицейлер видео жөнінде пікір білдірді.

-Бұл факті бойынша Әуезов аудандық полиция бөлімі тергеу амалдарын жүргізіп жатыр. Ер адамның жеке басы анықталып, оны ұстау шаралары жүргізілуде, – делінген хабарламада.

Алдын ала мәлімет бойынша, ер адам психикалық денсаулық орталығында есепте тұрады.

-Оның әрекетіне Қазақстан Республикасының заңнамасына сәйкес құқықтық баға беріледі, – деді полицейлер.

Оқи отырыңыз:Жол үстіндегі бетон: күре жолға кедергі қойған кімдер