Алматыда мемлекеттік бағдарлама бойынша балаларға арналған тегін спортзал ашылды

Дзюдодан Азия чемпионатының қола жүлдегері, Qazaq kuresi турнирінің бірнеше дүркін жеңімпазы, ММА ережесіз жекпе - жектен чемпионы Зәмзәгул Файзолланова "Бизнестің жол картасы-2025"мемлекеттік бағдарламасы бойынша 4,7 млн теңге көлемінде грант жеңіп алды, деп хабарлайды Almaty.tv.

Осы қаражатқа Зәмзәгүл 7 жастан 17 жасқа дейінгі балаларға арналған тегін спорт зал ашты. Онда дзюдо, таэквондо, спорттық және көркем гимнастика бойынша сабақтар өтеді. Зал күн сайын сағат 08.00-ден 22.00-ге дейін жұмыс істейді, 5 кәсіби жаттықтырушы тартылды. Үй-жайдың көлемі 400 шаршы метр, саны 300-ге дейін адамды қамту жоспарлануда.

"Мен бұл спортзалды бала кезімнен әкемнің атымен ашуды армандайтынмын. Qoldaý-да мемлекеттік бағдарламалар бар екенін білдім, бизнес-идеялар жаздым, жобада залдың сызбасын салдым, яғни қандай спорт түрлері бойынша, қанша адамға және т.б. сұрақтарға жауап бердім. Жобам жеңді, залды аштым. Кілем, төсеніштер, татами даянг, спорттық жабдықтар мен қажетті жабдықтар сатып алынды. Сабақтар тегін болады. Мақсатым – спортты дамыту және қазақстандықтардың халықаралық аренадағы болашақ жетістіктеріне қосқан үлес қосу", – дейді Зәмзәгүл Файзолланова.

Зәмзәгүл 9 жасынан бастап спортпен айналысып, әкесінен тәжірибе жинады. Әкесі – қазақша күрес, дзюдо, сумо және самбо спорт шебері. Қазір Зәмзәгүл – белгілі қазақстандық спортшы кәсіби күрескер ғана емес, сонымен қатар ҚР Қарулы Күштерінде аға лейтенант атағында қызмет етеді. Сонымен қатар, Зәмзәгүл – тұрмыста, екі баланың анасы.