Тәуелсіздік күні: желтоқсан құрбандарын еске алуға арналған турнир өтті

Алматыда 16 желтоқсан – Тәуелсіздік күніне және желтоқсаншылардың 60 жас мерейтойына орай волейболдан турнир өтті, деп хабарлайды Almaty.tv.

Сайыста Алатау ауданы әкімінің кубогі сарапқа салынды. Турнирдің ашылу салтанатында жергілікті әкімдік желтоқсаншыларды құттықтап, алғыс хат табыстады. Ойын барысында әр команда жоғары спорттық шеберлігін көрсетіп, жеңіс үшін бар күш-жігерін салып бақты. Іс-шараның мақсаты – еліміздің тәуелсіздігін нығайтуға үлес қосқан желтоқсаншылардың ерлігін ұлықтап, жастар арасында салауатты өмір салтын насихаттау.

"Өмірден өткен желтоқсаншыларды еске алып, жыл сайын турнир өткізіп тұрамыз. Спорт – салауатты өмір, денсаулыққа пайдалы. Мақсат –жастарға насихатау", – деді Патриоттық қозғалыс «желтоқсан ақиқаты» республикалық қоғамдық бірлестігінің төрағасы Болат Құрымбаев.

Оқи отырыңыз: Футболдан "Астана" клубы трофей саны бойынша рекорд жасады