Астанада театр әртістеріне арналған оңалту орталығы ашылды

"Астана опера" театрында әртістерге арналған оңалту орталығы ашылды, деп хабарлайды Almaty.tv.

Бұрын-соңды еліміздің өнер ордаларында мұндай кабинеттер болмаған. Театр әртістері қойылым барысында түрлі жарақат алатындықтан, реабилитологтардың көмегіне жиі жүгінеді. Енді аталған жағдайда алысқа барудың қажеті жоқ. Өйткені орталықта білікті мамандар, сондай-ақ бұлшықетті қалпына келтіретін, ауырсынуды басатын және түрлі ем-шараларды өткізуге арналған заманауи құралдар бар. Әртістер театрдың ішінен ашылған орталық уақыт жағынан да, қаржы тұрғысынан да тиімді екенін айтты.

"Тәжірибелі мамандарды іздеп сандалып кетеміз. Сол себепті жас мамандармен барлық ауыртпалағымыздың емін табамыз деген ойдамыз. Өйткені профессионалдық тұрғыда жарақат түрлері басқалай келеді. Сол себепті осы жерде болғаны ыңғайлы", – деді Астана опера театрының балет-солисі Сұлтанбек Ғұмар.

Оқи отырыңыз: Мұғалім еңбегі шәкірт жетістігімен бағаланады - Айдана Айдарова