Алматыда самбо және қазақ күресінен чемпионат басталды

Алматыда Кеңес Одағының батыры Әлия Молдағұлованың 100 жылдығына арналған самбо және қазақ күресінен чемпионаттың салтанатты ашылуы өтті, деп хабарлайды Almaty.tv.

Іс-шараға Туризм және спорт министрі Ербол Мырзабосынов, Халық қаһарманы, генерал-полковник Сәт Тоқпақбаев, күштік құрылымдардың басшылары мен танымал спортшылар қатысты.

Самбо бәсекелері 7 салмақ дәрежесі бойынша өтіп жатыр. Чемпиондық атақ үшін халықаралық дәрежедегі спорт шеберлері, әлем және Азия чемпионаттарының жеңімпаздары мен жүлдегерлері бақ сынайды. Жарысқа Қорғаныс министрлігі, Төтенше жағдайлар министрлігі, Мемлекеттік күзет қызметі, Шекара қызметі, Ұлттық қауіпсіздік комитеті және оқу орындарынан жасақталған 26 команда құрамындағы 140-тан астам спортшы қатысып жатыр.

«Іс-шарада жеке құрамын спортқа деген ұмтылысын мемлекеттік қорғандар арасындағы тығыз өзара ынтымақты көруге болады. Өткен жылдың желтоқсан айынан бастап Самбо федерациясын басқару маған жүктелді. Қарулы күштерде, елімізде самбо спортын дамыту үшін жұмыс жасап жатырмыз», – деді ҚР Қорғаныс министрі, Спорттық және әскери самбо федерациясының президенті Руслан Жақсылықов.

Оқи отырыңыз: Қазақстандық боксшылар халықаралық турнирде 8 алтын жүлде жеңіп алды