Әлемнің екі дүркін чемпионы, Бразилия құрамасының даңқты капитаны Кафу тікелей эфирден соң бірден Орталық Азияда алғаш рет өтіп жатқан ауқымды Meta Sport Forum-ға қатысты, деп хабарлайды Almaty.tv.
Бірегей спорттық іс-шараға 30-дан аса үздік спикер және әлем футболының аңыздары жиналды. Олар саладағы жоспарларды талқылап, маңызды сұрақтарға жауап берді. Форумға әлем чемпионы, екі дүркін Америка Кубогының жеңімпазы, үш мәрте Чемпиондар лигасының триумфаторы және ең әсерлі соққылардың иесі Роберто Карлос та қатысады.
«Бұл форум Орталық Азияда спорттың дамуына үлкен серпін береді деп ойлаймын, әсіресе маркетинг, жарнама және басқару шешімдері тұрғысынан пайдалы болады. Ең бастысы, мұнда өз саласында нақты жетістікке жеткен, бизнес жүргізуді шын мәнінде білетін мамандар жиналды. Осындай тәжірибелі адамдардың келуі – біз үшін үлкен мүмкіндік», – деді форум ұйымдастырушысы Сергей Бриговский.
Форум аясында арнайы шақырылған спикерлер мен үздік спортшылар көрермендерді тарту, спорттық бизнесті дамыту, сапалы контент жасау және бренд қалыптастыру мәселелерін көтерді. Іс-шараға испаниялық Атлетико-Мадрид командасының өкілдері де қатысты. Әйгілі клуб осы жылдың тамызында Алматыда футбол академиясын ашады. Онда жас спортшыларға әлемдік деңгейдегі дайындықтан өтіп, болашақта Еуропа клубтарына жолдама алуға мүмкіндік беріледі.
«Жоспарымызда үлкен футбол академиясын ашу бар. Бұл – ауқымды жоба, сондықтан да мен осында келдім. Мадридтен келген өз командам бар және біз қазақстандық футболшылар үшін үлкен инфрақұрылым жасауды көздеп отырмыз. Басты мақсатымыз – жастайынан талантты ойыншыларды тәрбиелеп, жоғары деңгейге жеткізгіміз келеді», – деді «Атлетико Мадрид» футбол академиясының өкілі Хавиер Гонсалес.
Оқи отырыңыз: Бразилияның аңыз футболшысы Кафу Алматыға тәнті болды
Спорта хватит на всех! Главный спонсор спортивных эмоций дарит всем новым пользователям до 200 000 тенге! Смотри любимые спортивные события и побеждай вместе со своими фаворитами! Подробная информация на сайте и приложении!