Ризабек Айтмұқан еркін күрестен Азия чемпионатында күміс медаль алды

Қазақстан құрамасының спортшысы Ризабек Айтмұхан еркін күрестен Амманда (Иордания) өтіп жатқан Азия чемпионатында екінші орын алды, деп хабарлайды Аlmaty.tv тілшісі Оlympic.kz-ке сілтеме жасап.  

Отандасымыз 97 келіге дейінгі салмақта ел намысын қорғады.

"Алтын медаль үшін болған белдесуде Ризабек Айтмұхан жапондық Араш Йошидаға 1:7 есебімен есе жіберді", - делінген хабарламада.

Осылайша Қазақстан құрамасы жарыстың бірінші күнін екі медальмен аяқтады. Бұған дейін 57 келіге дейінгі салмақта Рахат Қалжан қола медаль жеңіп алған болатын. 30 наурызда қалған бес салмақ дәрежесінде медальдар сарапқа салынады.

Оқи отырыңыз: Әлем чемпионатының күміс жүлдесі: Михаил Шайдоров Олимпиадаға жолдама алды